今日係2020年5月31日，亦係牛頭角，膳心小館倒閉前的183天⏰。
昨日下午，房協新任經理，趁我唔喺舖的時候，得意洋洋地交咗封信俾我哋餐廳經理。同一時間，打埋電話通知膳心當區的肥仔區議員 Lee Kwan Chak 李軍澤 ，房協決定今年11月30日收番膳心牛頭角舖位，房協話自己營運返喎。
係，👉房協將正式收番膳心間舖👈
係，房協經理在我未拆信前，已就將消息告知其他人。
封信好奇怪🤔，簽署人連名都唔敢出，亦唔敢寫職位，做法十分古怪。
不過，反正房協要在彩頣居，每年虧蝕數百萬情況下，租都唔要，自己接管番嚟做。原因係乜，有腦的人都會明白。房協收舖決定，直接打爛了我哋五十多位被政府排斥的手足飯碗;亦直接影響區內一群依靠我哋派飯服務的清貧長者。
究竟邊個用盡千方百計破壞黃色經濟圈及政治打壓，大家心中有數。我哋會在餘下日子，嚴肅、公開及依法處理與房協職員的每項分歧。同時，亦會繼續幫助區內有需要的人士，令佢哋得到溫飽。
至於，膳心會否離棄九龍灣街坊🤔？我哋會盡力在呢段時間，盡力透過賣蛋卷、小食及樓面餐飲服務，賺多一些錢，嘗試在區內另覓地方，繼續服務。今年，我哋會提早接受預訂月餅，等一眾手足可以賺多個錢。同時，大家的支持亦直接影響膳心的發展。而未來的星期六日及假期，亦會繼續將零食現貨發售。我哋對於一直企在市民一方，我哋無怨無悔。多謝大家一直的支持。
膳心腦細
#一間被打壓小店 #膳心小館
#黃色經濟圈 #政治打壓
Search